चोपडा = दिवाळीच्या पार्श्वभूमीवर भारतीय राष्ट्रीय युवा परिषदेच्या चोपडा येथील चमूतर्फे तालुक्यातील भार्डू येथील जिल्हा परिषद शाळेतील ३५ गरजू व होतकरु विद्यार्थ्यांना सामाजिक दायित्वातून क्रीडा व शालेय साहित्यासह खाऊचे मोफत वाटप करण्यात आले.
कार्यक्रमाच्या अध्यक्षस्थानी जिल्हा नियोजन समितीचे माजी सदस्य अॅड. एस. डी. सोनवणे होते. या वेळी प्रमुख पाहुणे म्हणून पंचायत समितीचे सदस्य भरत बाविस्कर, युवा परिषदेचे जिल्हा उपाध्यक्ष अनिल बाविस्कर, शाळा व्यवस्थापन समितीचे अध्यक्ष शेखर पाटील, रतन मोरे, विकास पाटील, वसंतराव पाटील, रोहिदास सोनवणे, धनराज पाटील, ज्ञानेश्वर सोनवणे, महेश पाटील, हिलाल पाटील, मुख्याध्यापिका शैला सोनवणे आदी उपस्थित होते. प्रास्ताविक तालुकाध्यक्ष लक्ष्मण पाटील यांनी, सूत्रसंचालन अश्विनी सोनवणे यांनी तर आभार रोहन सोनवणे यांनी मानले. शिक्षिका रेखा पाटील यांनी मनाेगत व्यक्त केले. विद्यार्थ्यांना प्रत्येकी २ वह्या व खाऊ देण्यात अाला. विद्यार्थ्यांना खेळण्यासाठी १ कॅरम बोर्ड व २ बॅडमिंटन संच शाळेस भेट देण्यात आले.
भार्डू शाळेत क्रीडा, शालेय साहित्याचे वितरण
