अमळनेर (प्रतिनिधी):-नॅशनल युथ काउन्सिल ऑफ इंडिया अर्थात भारतीय राष्ट्रीय युवा परिषदेच्या अमळनेर तालुका सचिवपदी भिलाली ता.अमळनेर येथील मयुरी दिनेश माळी यांची निवड करण्यात आली.निवडीचे पत्र प्रदेश उपाध्यक्ष तेजस पाटील , जिल्हा अध्यक्ष प्रतीक्षा पाटील, जिल्हा उपाध्यक्ष अनिल बाविस्कर, जिल्हा सचिव दिव्या पाटील यांच्या शिफारशीनुसार राष्ट्रीय अध्यक्ष डॉ.दत्तात्रय मूर्ती रामू व महाराष्ट्राचे अध्यक्ष डॉ.त्रेविनिकुमार कोरे, प्रदेश अध्यक्ष राहुल वाकलकर यांच्या हस्ते देण्यात आले.
मयुरी माळी प्रताप महाविद्यालयाची माजी विद्यार्थीनी व मा.विद्यार्थी प्रतिनिधी असुन राष्ट्रीय सेवा योजना(NSS)च्या माध्यमातून अनेक सामाजिक उपक्रम तसेच जनजागृतीचे काम केले आहे आणि या नंतरही राष्ट्रीय एकात्मतेसाठी तसेच समाजातील सामाजिक आणि शैक्षणिक प्रश्नांसाठी काम करून विविध उपक्रम राबविणे हे ध्येय ठेऊन काम करणार असल्याचा माणस मयुरी माळी यांनी व्यक्त केला आहे.यानिमित्ताने सर्व स्तरातून शुभेच्छांचा वर्षाव होत आहे.
