बोदवडमार्गे सैलानी एस.टी.बस सुरू

जळगाव ः बंद असलेली जळगाव बोदवडमार्गे सैलानी बस गावकर्‍यांच्या मागणीनुसार पुन्हा सुरु केल्याने गावकर्‍यांमधून समाधान व्यक्त होत आहे. एस.टी. प्रशासनाने बंद केलेली ही बस सेवा पुन्हा सुरू करण्यासाठी बोदवडच्या गावकर्‍यांनी विभागीय नियंत्रक राजेंद्र देवरे यांच्याकडे मागणी केली होती. त्याची दखल घेत त्यांनी ही बस सेवा पुन्हा सुरु केली. त्याबद्दल गावकर्‍यांनी विभागीय नियंत्रकाचे आभार मानले आहे. तर बाबूराव इंगळे यांनी पेढे वाटून याचे स्वागत केले. यावेळी पहाडसिंग पाटील, पंढरी पाटील, अरूण माहोरे, आनंदसिंग पाटील, संजय पाटील, शांताराम माहोरे, सांडु पैलवान, कैलास पाटील, उत्तम पाटील आदी उपस्थित होते.