जळगाव प्रतिनिधी : बीएचआर घोटाळा प्रकरणी पुणे आर्थिक गुन्हे शाखेच्या पथकाने आज सकाळी एकाचवेळी ठिकठिकाणी टाकलेल्या छापेमारीने मोठी खळबळ उडाली आहे. यात बड्या व्यावसायिकांसह राजकीय व्यक्तींना ताब्यात घेण्यात आले आहे. दरम्यान, आमदार असो की खासदार कारवाईतर होणारच अशा शब्दात राष्ट्रवादीचे ज्येष्ठ नेते एकनाथराव खडसे यांनी इशारा दिला आहे.
बीएचआर घोटाळ्यात आज झालेल्या अटकेच्या कारवाईचे स्वागतच केले पाहिजे. कायद्यापेक्षा कुणीही मोठा नाही. आमदार असो वा कुणी अन्य असो कायद्यासमोर सगळेच सारखे आहे. या प्रकरणात प्राथमिक स्वरुपात कर्जदारांनी ठेवींच्या पावत्या २० टक्के, ३० टक्के दराने तोडून भरणा केलेला दिसतो. त्यामुळेच हि कारवाई झालेली आहे. या प्रकरणाची अद्याप चौकशी सुरु असून जे जे दोषी आढळतील त्यांच्यावर कारवाई झाली पाहिजे असेही खडसे म्हणाले आहे. दरम्यान, बीएचआर गैरव्यवहार प्रकरणात आज आतापर्यंत १२ जणांना अटक करण्यात आली आहे.
अटक केलेल्या संशयितांची नावे अशी
भागवत भंगाळे (जळगाव), छगन झाल्टे (जामनेर), जितेंद्र रमेश पाटील (औरंगाबाद येथून अटक), आसिफ मुन्ना तेली (भुसावळ), जयश्री शैलेश मणियार (जळगाव), संजय तोतला (जळगाव), राजेश लोढा (जामनेर), प्रितेश चंपालाल जैन (धुळे), अंबादास आबाजी मानकापे (औरंगाबाद), जयश्री अंतिम तोतला (मुंबई), प्रेम नारायण कोगटा (जळगाव, यांना पुण्यातील हॉटेलातून अटक) आणि प्रमोद किसनराव कापसे (अकोला) यांना अटक करण्यात आली आहे.
