मलकापुर – बुलढाणा रोड वरील वानखेडे पेट्रोलनजीक असलेल्या ठाकूर इस्टेट मधील फ्लिपकार्ड डिलिव्हरी कार्यालयातुन आज पहाटे चार वाजेच्या सुमारास कार्यालयाचे शटर वाकवून अज्ञात चोरट्यांनी कार्यालयात प्रवेश करून लोखंडी कपाटातील तिजोरी लंपास केली यातील सहा लाख पंचवीस हजार रुपयाची रोकड लंपास केल्याची फिर्याद रोशन निकम यांनी शहर पोलीस स्टेशनला दिली आहे.
बुलढाणा रोडवर वानखेडे पेट्रोलपंपा नजीक ठाकूर इस्टेटमध्ये ई कार्ड लॉजिस्टिक या नावाने फ्लिपकार्ट डिलिव्हरी कार्यालय सुरू असून ग्राहकांनी मोबाईल द्वारे ऑनलाईन मागविलेल्या वस्तू या कार्यालयाद्वारे ग्राहकांच्या घरपोच पोहोचविल्या जातात, शुक्रवार शनिवार, रविवार या तीन दिवसांची डिलिव्हरी घरोघरी पोहचवून जमा झालेली रक्कम कार्यालयातील गोदरेज कपाटात एका तिजोरीत ठेवली होती आज सकाळी कार्यालय उघडण्यासाठी निकम गेले असता कार्यालयाचे शटर वाकलेले दिसल्याने रोशन निकम यांनी याबाबतची माहिती शहर पोलिसांना दिली शहर पोलीस निरीक्षक प्रल्हाद काटकर,ऐ.पी.आय स्मिता म्हसाये,ऐ.पी.आय सुखदेव भोरकडे,पो.उप.नि.छाया वाघ,डि.बी.पथकाचे पो.काॅ.अनिल डागोर, ईश्वर वाघ, संजय पठार, संतोष कुमावत,आसीफ शेख, गोपाळ तारुळकर, मंगेश चरखे सह पोलीसांनी घटनास्थळी धाव घेऊन त्या घटनास्थळाची पाहणी केली,सि.सी टिव्हीत दोघे चोरटे दिसत असून पो.नि.काटकर यांनी फिंगर प्रिंट तज्ञ, तसेच श्वानपथकाला पाचारण केले, लवकरच चोरट्यांचा शोध लावून त्यांना जेरबंद करण्यात केले जाणार असल्याची माहिती पोलीस सूत्रांनी दिली आहे वृत्त लिहिस्तोवर पोलिसांची कारवाई सुरू होती.
