पारोळा- संभाव्य कोरोना विषाणुची दुसरी लाट येवु नये म्हणुन खबरदारीचे उपाय म्हणुन आज पारोळा एरंडोल विधान सभा क्षेत्राचे आ. _चिमणराव पाटील यांच्या अध्यक्षतेखाली पारोळा येथिल तहसिल कार्यालयात येथे बैठकी चे आयोजन करण्यात आले होते. या बैठकीत शहरासह तालुक्यात कोरोना विषाणुचा प्रादुर्भाव पुन्हा वाढु नये म्हणुन खबरदारी चे उपाय योजने जसे मास्क वापरणे, सोशल डिस्टंसिंगचे पालन करणे, मास्क न घालणाऱ्यांवर दंडात्मक कार्यवाही करणे, व्यापाऱ्यांनी मास्क न घालणाऱ्यांना ग्रहाकांना दुकानात प्रवेश देवु नये अशा ठोस उपाययोजनांवर चर्चा करण्यात आली. तसेच सर्वानुमते पारोळा शहरात सोमवारी जनता कर्फ्युचे आयोजन व मास्क न वापरणाऱ्यांवर प्रत्येकी २०० रूपये दंड आकारण्यात यावा असे निर्णय घेण्यात आले. यावेळी प्रांताधिकारी विनय गोसावी,पारोळा तहसिलदार अनिल गवांदे, पारोळा पोलीस निरिक्षक लिलाधर कानडे, वैद्यकीय अधिक्षक योगेश साळुंखे, उपकेंद्र अधिक्षक प्रांजली पाटील, नगरपरिषद प्रतिनिधी संदानशिव मॕडम, शिवसेना शहरप्रमुख अशोक मराठे, मा.नगराध्यक्ष चंद्रकांत पाटील, पारोळा व्यापारी महासंघाचे अध्यक्ष केशवआण्णा क्षत्रिय,संजय कासार,महेश हिंदुजा,आकाश महाजन, पारोळा किराणा व्यापारी अध्यक्ष अरूण वाणी, नगरसेवक नितीन सोनार तसेच पारोळा शहारातील व्यापारी वर्ग, विविध विभागातील अधिकारी,शहरातील पत्रकार, तसेच शहरीतील प्रतिष्ठीत नागरीक उपस्थित होते.
पारोळा येथे सोमवारी जनता कर्फ्यु ; मास्क न वापरणाऱ्यांवर होणार कारवाई
