पाच लाखांच्या मताधिक्याने उन्मेष दादा निवडून येतील- नामदार गिरीश महाजन
पारोळा :- उत्तर महाराष्ट्रात राष्ट्रवादी काँग्रेसचे अस्तित्व संपुष्टात आले आहे.राष्ट्रवादीचे एकमेव शेंडेफळ पारोळा मध्ये आहे. मी जेथे जातो तेथे प्रामाणिक कार्यकर्त्यांच्या जीवावर विजयश्री खेचून आणतो. त्यामुळे येत्या काळात त्यांना डिपॉझिट वाचवायची वेळ येणार आहे. लोकसभा मतदार संघात नगराध्यक्ष करण पवार यांच्या सारखा कार्यकर्त्यांमुळे युती अधि
क भक्कम झाल्याने येत्या आगामी लोकसभा निवडणुकीत उन्मेश दादा पाटील पाच लाख मतांच्या मताधिक्क्याने निवडून येतील. युती अभेद्य राहील. त्यामुळे येत्या विधानसभेत चिमणराव आबा आमदार निवडून येतील.
लोकसभा मतदार संघात करण पवार सारखा उमदा कार्यकर्त्यांमुळे मतदारसंघात युतीला भरघोस पाठिंबा मिळतो आहे. असा निर्धार राज्याचे जलसंपदामंत्री नामदार गिरीश महाजन यांनी व्यक्त केला आहे. पारोळा येथील माजी आमदार चिमणराव पाटील यांच्या निवासस्थानामागे शनिवारी दुपारी अकरा वाजता पारोळा तालुका व एरंडोल तालुक्यातील भारतीय जनता पार्टी शिवसेना आरपीआय व मित्र पक्षाच्या कार्यकर्त्यांच्या महायुती मेळाव्यात व पन्ना प्रमुख संमेलनात नामदार गिरीश महाजन बोलत होते.
व्यासपीठावर यांची होती उपस्थिती
यावेळी व्यासपीठावर कार्यक्रमाचे अध्यक्ष माजी आमदार चिमणराव पाटील, नामदार जि.प. अध्यक्षा उज्वला मच्छिंद्र पाटील,पाचोरा चे आमदार किशोर आप्पा पाटील, आमदार तथा महायुतीचे उमेदवार उन्मेश दादा पाटील, विधान परिषद सदस्य चंदुलाल पटेल, सिंधी समाज राष्ट्रीय अध्यक्ष माजी आमदार गुरुमुख जगवाणी, एरंडोलचे नगराध्यक्ष रमेश परदेशी,पारोळ्याचे लोकनियुक्त नगराध्यक्ष युवानेते करण दादा पवार ज्येष्ठ नेते बाळासाहेब पवार , आर पी आय चे जिल्हा प्रमुख आनंद खरात रासा चे गणेश जाणे यांच्या सह अनेक मान्यवर पदाधिकारी कार्यकर्ते सहभागी झाले होते.
