पारोळा नगरपरिषद निवडणूक : भाजप-शिवसेना (शिंदे) युतीची सत्ता
चंद्रकांत पाटील नगराध्यक्षपदी विराजमान
पारोळा (प्रतिनिधि ) : पारोळा नगरपरिषदेच्या सार्वत्रिक निवडणुकीच्या मतमोजणीला सकाळी १० वाजता तहसील कार्यालयात सुरुवात झाली. या वेळी मोठा पोलीस बंदोबस्त तैनात करण्यात आला होता. मतमोजणीनंतर दुपारपर्यंत निकाल जाहीर झाले असून, भाजप-शिवसेना (शिंदे गट) युतीने स्पष्ट बहुमत मिळवले आहे. एकूण २५ जागांपैकी युतीला २० जागांवर विजय मिळाला असून, नगरपरिषदेवर युतीची सत्ता प्रस्थापित झाली आहे.
निकाल
भाजप : १३ जागा
शिवसेना (शिंदे गट) : ७ जागा
जनाधार विकास पार्टी : ३ जागा
अपक्ष : २ जागा
नगराध्यक्षपदाच्या थेट निवडणुकीत शिवसेना (शिंदे गट)चे उमेदवार चंद्रकांत पाटील यांनी दणदणीत विजय मिळवला. त्यांना ९,४८६ मतें मिळाली असून, प्रतिस्पर्ध्याला मागे टाकत त्यांनी नगराध्यक्षपद पटकावले.
निकाल जाहीर होताच युतीच्या कार्यकर्त्यांमध्ये जल्लोष साजरा झाला. या विजयानंतर आमदार अमोल पाटील यांनी नवनिर्वाचित नगराध्यक्ष चंद्रकांत पाटील तसेच सर्व नगरसेवकांचे अभिनंदन केले. युतीच्या या यशामुळे पारोळा शहराच्या विकासाला नवीन दिशा मिळेल, अशी अपेक्षा नागरिकांमध्ये व्यक्त होत आहे. आगामी काळात युतीचा कारभार अधिक गतिमान होईल, असा विश्वास कार्यकर्त्यांनी व्यक्त केला.
