पारोळा (प्रतिनिधी) : पारोळा ,एरंडोल विधानसभा क्षेत्राचे आमदार चिमणराव पाटील यांच्या विशेष प्रयत्नाने पारोळा , एरंडोल नगर पालीका क्षेत्रासाठी विविध विकास कामांसाठी ८ कोटी रुपये मंजुर झाले असल्याची माहिती पारोळा एरंडोल चे आमदार चिमणराव पाटील यांनी दिली.
या बाबत अधिक माहिती अशी कि पारोळा व एरंडोल नगर पालिका क्षेत्रात दुर्लक्षित कामाना प्राधान्य देऊन विविध विकास कामाचा मंजुर निधीचा विनियोग करुन दोन्ही शहराचा चेहरा मोहरा बदलणार असल्याचे या वेळी सांगितले. शासनाच्या वैशिष्ठपुर्ण योजनेअंतर्गत पारोळा व एरंडोल न.पा.साठी प्रत्येकी ४ कोटी असे ८ कोटी रुपये मंजुर झाले आहेत. यानंतर ही दोन्ही तालुक्याती व शहरातील विविध प्रलंबित विकास कामासाठी शासनाकडे पाठपुरावा सुरु असल्याची माहिती पारोळा एरंडोलचे आमदार चिमणराव पाटील यांनी ‘दैनिक लोकशाही’शी बोलताना दिली.
