जळगाव :– मेहरुण तलाव परिसरातील जे. के. पार्क येथून पायी जात असलेल्या मोमीन शफीक या तरुणास भामट्याने मारहाण करुन त्याच्या खिशातील ३ हजार ५०० रुपये लुटल्याची घटना शनिवारी सकाळी ८ वाजता घडली. दरम्यान, पोलिसांनी तपासचक्रे फिरवून शनिवारी रात्रीच रिजवान शेख गयासोद्दीन उर्फ काल्या (रा.तांबापुरा) याला अटक केली. पोलिसी खाक्या दाखवताच त्याने गुन्ह्याची कबुली दिली आहे. काल्या हा पोलिसांच्या रेकॉर्डवरील गुन्हेगार आहे. अशा प्रकारचे गुन्हे करण्याची त्याची पद्धत असल्यामुळे पोलिसांना त्याच्यावर संशय आला होता.
सहाय्यक पोलिस उपनिरीक्षक अतुल वंजारी, रामकृष्ण पाटील, इमरान सैय्यद, सचिन पाटील, असीम तडवी यांच्या पथकाने त्याला अटक केली. पोलिस उपनिरीक्षक रमेश वावरे अाणि रतीलाल पवार तपास करीत आहे. काल्या याला रविवारी न्यायालयात हजर करण्यात आले. सुनावणीअंती त्याला एक दिवसाची पोलिस कोठडी सुनावण्यात आली.
