जिल्हाधिकारी यांना दिले निवेदन
नांदेड | प्रतिनिधी
अलिबाग व येलदरी येथे पत्रकारांवर झालेल्या भ्याड हल्ल्याच्या निषेधार्थ नांदेड जिल्हा वृत्तपत्र वितरक विकास मंडळ नांदेडच्या वतीने आज दि.30 गुरूवार रोजी जिल्हाधिकारी श्री अरून डोंगरे यांना निवेदन दिले व पत्रकार हल्ला विरोधी कायद्याची अंमलबजावणी करावी अशी मागणी केली.
अलिबाग येथे शेकापचे आमदार जयंत पाटील यांच्याकडून पत्रकारास मारहाण झाल्याचे घटना ताजी असतांनाच परभणी जिल्ह्यातील जिंतूर येथील पत्रकार प्रशांत मुळी व त्यांचे बंधूं प्रविण मुळी यांच्या कुटुंबियांना जिवंत जाळण्याच्या हेतूने मंगळवारी पहाटे साडेतीन वाजता घरावर पेट्रोल बाॅम्बद्वारे हल्ला करण्यात आला यात कुठेलिही जिवीतहानी झाली नाही या दोन्ही झालेल्या घटणांच्या निषेधार्थ नांदेड जिल्हा वृत्तपत्र वितरक विकास मंडळ नांदेडच्यावतीने तीव्र निषेध करण्यात आला.
पत्रकारांवरिल वाढत्या हल्याची गंभीर दख्खल घेऊन शासनाने या प्रकरणातील दोषींविरुद्ध कठोर कारवाई करावी व पत्रकार हल्ला विरोधी कायद्याची तातडीने अमलबजावणी करावी अशी मागणी राज्य वृत्तपत्र विक्रेता संघटनेचे सरचिटणीस बालाजी पवार यांनी जिल्हाधिकारी साहेबांना केली.
यावेळी वृत्तपत्र विक्रेता संघटनेचे उपाध्यक्ष गणेश वडगांवकर, कोषाध्यक्ष बाबु जल्देवार व्यंकटेश आनलदास, संदिप कटकमवार प्रशांत धाकपाडे , सरदारसिंह सुर्यवंशी रामेश्वर पवार ,भागवत गायकवाड, रवि रणखांबे, खय्यूम पठाण , निळकंठ सोनट्टके ,विठ्ठल फडेवार, विजय बोडखे ,शामसिंह च॔देल ,शंकर लच्चेवार, बालाजी चंदेल रमेश वंगलवार ,माधव मामीडवार, सत्यनारायण आंधे, विनायकप्रसाद भद्दे, महेश जाधव , अशोक खुणे, नरेश वंगलवार, गणेश रत्नपारखे ,अनुप ठाकुर ,अजयसिंह ठाकुर आदी वृत्तपत्र विक्रेते मोठ्या संख्येने उपस्थित होते.
