लोकशाही न्युज नेटवर्क
मुंबई; आपल्या नागराज मंजुळे दिग्दर्शकातून वेगळी शैली निर्माण करणारे नागराज मंजुळे यांनी अगोदर ‘पिस्तुल्या’ हा लघूचित्रपट, त्यांनतर ‘फॅन्ड्री’ ‘सैराट’ हा चित्रपट केला. या तिन्ही चित्रपटास राष्ट्रीय पुरस्कार प्राप्त झाला होता.
नागराज मंजुळे आता ”अनपॉझ : नया सफर’ या अॅमेझॉन प्राईमवरील आगामी ओटीटीवरील वेब सीरिजमध्ये भूमिका साकारणार आहेत. आपल्या दिग्दर्शकातून एक नवीन आयाम निर्माण करणारे नागराज मंजुळे प्रेक्षकांना आता एका नव्या वेब सीरिजमध्ये दिसणार आहेत.
नागराज मंजुळे आगामी वेब सीरीज ‘अनपॉझ : नया सफर’ मधून प्रेक्षकांच्या भेटीला येणार असून नुकताच या वेब सीरिजचा धमाकेदार ट्रेलर प्रदर्शित करण्यात आला आहे. शुक्रवार, दि. २१ जानेवारी रोजी ही वेब सीरिज जगभरामध्ये प्रदर्शित होणार आहे.
या सीरिजमध्ये नागराज मंजुळे यांच्यासह अभिनेत्री नीना कुलकर्णी, साकिब सलीम, श्रेया धन्वंतरी आणि प्रियांशू पैन्युली झळकणार आहेत. याशिवाय बॉलिवूडमधील नागराज यांची मटका किंग ही वेब सीरिज लवकरच प्रेक्षकांच्या भेटीस येणार असून यात १९६० ते १९९० या दशकतील घटलेल्या सत्य घटनांवर या वेब सीरिजचे कथानक आधारित आहे.
