नागपूर : राज्याची उपराजधानी असलेल्या नागपुरात आणखी दोन जणांना करोनाची लागण झाली आहे. त्यामुळे नागपूरमधील करोना रुग्णांची संख्या ३ वर पोहोचली असून राज्यातील करोना रुग्णांचा आकडा १७ वर गेला आहे.
करोनाची लागण झालेले हे दोघेही पती-पत्नी आहेत. हे दोन्हीजण परदेशातून आलेले असल्याचं सांगण्यात येतं. नागपूरमध्ये करोनाचा पहिला रुग्ण सापडला होता. त्याच्याच पत्नीला आणि सहकाऱ्यांना करोनाची लागण झाल्याचं सूत्रांनी सांगितलं.
दरम्यान, पुण्यात आणखी एक रुग्ण आढळला आहे. आता राज्यात कोरोना बाधितांची संख्या 17 झाली आहे. मुंबई आणि ठाण्यात एक-एक रुग्ण गुरुवारी आढळला. तर पुण्यात आणखी एक रुग्ण पॉझिटिव्ह आढळल्याने तेथील कोरोनाग्रस्तांची संख्या 9 झाली आहे.
