मुक्ताईनगर : सद्या कोरोनाच्या पार्श्वभूमीवर प्रशासनाने उपाय योजना म्हणून मुक्ताईनगरात सकाळी 9 ते दुपारच्या 2 वाजेपर्यंत रविवार ते शुक्रवार विविध व्यवसायांना मुभा दिली आहे व आठवड्यातून एक शनिवारी कडकडीत जनता कर्फ्यु पाळण्याचे ठरलेले आहे.
मात्र दि 19 जून रोजी शुक्रवारी नगरपंचायतीने दिवसभरात एक दवंडी पिटविली व त्यात शनिवारचा जनता कर्फ्यु न करता तो रविवारी पाळावा असे आवाहन केले .यामुळे अचानक आलेल्या निर्णयाने व्यापाऱ्यांमध्ये संभ्रम निर्माण झाला.व याचे पडसाद सोशल मीडियात उमटू लागले . मात्र पालिकेतर्फे सायं 6 वाजेनंतर आणखी एक दवंडी देण्यात आली त्यात शनिवारी जनता कर्फ्यु पाळावा रविवारी व्यवसाय सुरू राहतील असा msg दवंडी देणारे प्रदीप सोनार यांनी सोशल मीडियात फिरवल्याने व्यापारी वर्गात आणखी संभ्रम निर्माण झाला . व व्यापाऱ्यांनी नगरपंचायत प्रशासनाद्वारा सुरू असलेल्या सावळ्या गोंधळाची वेशीवर लक्तरे टांगली . तसेच व्यापाऱ्यांची चालवलेली थट्टा थांबवा असा इशारा देखील व्यापाऱ्यांनी नगरपंचायत प्रशासनाला दिला आहे . याबाबत व्यापाऱ्यांच्या वतीने सचिन जैन यांनी लेखी निवेदन दिले आहे .

