जळगाव (प्रतिनिधी) : शिवसेनेतील सहकार राज्यमंत्री गुलाबराव पाटील व शिवसेना जिल्हाप्रमुख गुलाबराव वाघ यांची मैत्री सर्वश्रुत आहे. जळगाव ग्रामीणमधील शिवसेना-भाजपा महायुतीचे उमेदवार गुलाबराव पाटील यांच्या प्रचारासाठी जिल्हाप्रमुख गुलाबराव वाघ हे सरसावले असुन धरणगाव शहर व तालुका पदाधिकारी व शिवसैनिकांसह पिंजुन काढत मित्राला मोठे मताधिक्य मिळवुन देण्याचा गुलाबराव वाघांनी चंग बांधला आहे .अभुतपुर्व विकासकामे करणाऱ्या व जाती पाती पेक्षा सर्वसामान्यांच्या हिताला प्राधान्य देणाऱ्या राज्यमंत्री गुलाबराव पाटील यांना एक लाखाचे मताधिक्य देऊन विकासाची गंगा कायम ठेवावी, असे आवाहन गुलाबराव वाघ यांनी धरणगाव शहराच्या प्रचार रॅलीप्रसंगी मतदारांशी सवांद साधतांना केले. धरणगाव येथे जळगाव ग्रामीण विधानसभा मतदारसंघात महायुतीचे उमेदवार ना गुलाबराव पाटील यांच्या प्रचारार्थ भव्य रॅली शहरात काढण्यात आली. रॅलीला धरणी चौक पासून सुरुवात करण्यात आली. या रॅलीचे नेतृत्व शिवसेना जिल्हा प्रमुख गुलाबराव वाघ यांनी केले. ही प्रचार रॅली धरणी चौक, जैन गल्ली ,भाटिया गल्ली, कदर गल्ली ,लांडगे गल्ली, परिहार चौक ,गुजराथी गल्ली ,मातोश्री कॉम्प्लेक्स मार्गे कोट बाजार या ठिकाणी समाप्त झाली. या रॅलीत महिलामोठया संख्येने उपस्थित होत्या. शहरवासीयांना उदंड असा प्रतिसाद देत गुलाबराव पाटील यांना जास्तीत जास्त मताधिक्यासाठी संकल्प केला. यावेळी प्रचार रॅलीला माजी नगराध्यक्षा उषाताई वाघ, प्रभारी नगराध्यक्ष अंजली विसावे, गटनेते पप्पू भावे, शिवसेना शहर प्रमुख राजेंद्र महाजन ,महिला ता प्रमुख अश्विनी भाटिया सर्व नगरसेवक नगरसेविका व पदाधिकारी व कार्यकर्ते मोठ्या संख्येने उपस्थित होते.
