मुंबई : सध्या देशात कोरोना व्हायरसने धुमाकूळ घातला आहे. या व्हायरसमुळे शेकडो बळी गेले आहे. दरम्यान, मुंबईतील सायन हॉस्पिटलमधील एक धक्कादायक व्हिडीओ समोर आला आहे. रुग्णालयातील आपत्कालीन विभागात कोरोनाबाधित रुग्णांच्या शेजारी याच आजारामुळे मृत्यू झालेल्या लोकांचा मृतदेह ठेवले जात आहेत. याबाबत रुग्ण बऱ्याच दिवसांपासून तक्रारी करत होते, पण आता एक व्हिडिओ व्हायरल झाल्यानंतर ही बाब समोर आली आहे. रुग्णांचे असेही म्हणणे आहे की, सध्या प्लास्टिकमध्ये गुंडाळलेले मृतदेह याआधी असेच पडलेले होते.
व्हायरल व्हिडिओत दिसत आहे की, रुग्णालयाच्या वार्डात अनेक रुग्ण बेडवर आहेत. या रुग्णांशेजारी प्लास्टिकच्या बॅगेत कोरोनामुळे मृत्यू झालेल्या लोकांचे मृतदेह देकील वॉर्डातील बेडवर ठेवले आहेत. काही मृतदेहांना कपड्यांनी तर काही ब्लँकटेने झाकले आहे. वॉर्डात कोरोना बाधिक रुग्णांशेजारी असे 19 मृतदेह पडले होते.
