नागपूर, लोकशाही न्यूज नेटवर्क
एका धक्कादायक घटनेने उपराजधानी चांगलीच हादरली आहे. केवळ साडे तीन तासात दोन वेगवेगळ्या घटनांमध्ये एका 16 वर्षांच्या मुलीवर गँगरेप झाला आहे. या गँगरेपमध्ये सहा नराधमांनी तिच्यावर बलात्कार केला असल्याचे समजतं आहे. गुरुवारी घरच्यासोबत क्षुल्लक वाद झाल्यानं पीडित मुलगी घर सोडून गेली. त्यानंतर ही घटना घडली आहे. या गँगरेप प्रकरणी पोलिसांनी 4 जणांना अटक केली आहे.
अल्पवयीन मुलीचा तिच्या कुटुंबियांशी क्षुल्लक कारणावरुन वाद झाला. ज्यानंतर ती घर सोडून गेली. त्यानंतर तिनं सिव्हिल लाईन्सला जाण्यासाठी रिक्षा पकडली. पण चालकाला समजलं की, तिच्याकडे पैसे नाहीत. पैसे नसल्यानं त्यानं तिला रिक्षातून खाली उतरण्यास सांगितलं. त्याच दरम्यान पीडितीनं मदतीसाठी मोहम्मद तौसीफ (वय 26) आणि मोहम्मद शाहनवाज उर्फ सना (वय 25) या दोन रिक्षाचालकांशी संपर्क साधला.
मात्र या दोन्ही नराधमांनी रात्रीचा अंधाराचा फायदा घेत तिला मोमीनपुरा भागातील टिमकी परिसरात एका खोलीत नेलं. त्या ठिकाणी तिच्यावर चार जणांनी तिच्यावर बलात्कार केला. त्या नंतर तिला रिक्षानं मेयो रुग्णालय परिसरातील मेट्रो ब्रिज जवळ सोडलं. आरोपी तौसिफ आणि सना यांनी मुलीला इंदिरा गांधी शासकीय वैद्यकीय महाविद्यालय आणि रुग्णालयाजवळ (IGGMCH) रिक्षाचालक मोहम्मद मुशीर ( वय 23) आणि आणखी एका व्यक्तीच्या स्वाधीन केले. तिथे मोहम्मद मुशीर आणि इतर व्यक्तीनं मुलीवर रिक्षामध्ये बलात्कार केला आणि नंतर घटनास्थळावरून पळून गेले. त्यानंतर पोलिसांनी तपास सुरू केला. सना, तौसीफ, मुशीर आणि मोहम्मद नौशाद यांना संबंधित कलमांखाली अटक करण्यात आली.
