फरीदाबाद : हरियाणातील काँग्रेसचे प्रदेश प्रवक्ते विकास चौधरी यांची भरदिवसा गोळ्या झाडून हत्या करण्यात आली. ही घटना फरिदाबादेतील सेक्टर -९ मध्ये आज (ता.२७) सकाळी ९ वाजेच्या दरम्यान घडली. दरम्यान या घटनेमुळे परिसरात भीतीचे वातावरण पसरले.
काँग्रेस प्रवक्ते विकास चौधरी नेहमीप्रमाणे आज सकाळी सेक्टर -९ मधील हुडा मार्केटमधील पीएचसीमध्ये जीममध्ये व्यायाम करण्यासाठी गेले होते. जिमला पोहोचल्यानंतर ते गाडीतून उतरणार होते इतक्यातच हल्लेखोरांनी गोळ्या झाडण्यास सुरुवात केली. साधारण 12 ते 15 गोळ्या त्यांच्यावर डागण्यात आल्या. गोळ्या झाडल्यानंतर हल्लेखोर तिथून पसार झाले.
घटनेनंतर तात्काळ त्यांना आनन-फाननमधील सर्वोदय रुग्णालयात नेण्यात आले. तिथे डॉक्टरांनी त्यांना मृत घोषित केले. पोलीस याप्रकरणाचा तपास करत आहेत. पोलिसांना घटनास्थळी बंदुकीतील गोळ्यांचे 12 बॉक्स मिळाले. सीसीटीव्हीच्या आधारे पोलीस हल्लेखोरांचा तपास करत आहेत. सीसीटीव्हीत दोन हल्लेखोर दिसत आहेत जे गाडीवरून आले होते. हल्लेखोराच्या शोधासाठी पोलिसांनी अनेक टीम बनवल्या आहेत. या घटनेमुळे परिसरात भीतीचे व तणावाचे वातावरण निर्माण झाले आहे. काँग्रेस नेत्यांनी या घटनेनंतर संताप व्यक्त केला आहे.
