भुसावळ | प्रतिनिधी
येथील दोन गुन्हयातील गेल्या वर्षापासून फरार असलेला आरोपीच्या भुसावळ बाजारपेठ पोलिसांनी मुसक्या आवळल्या असून आरोपीस अटक केली आहे. भुसावळ बाजारपेठ पोलीस स्टेशन मध्ये गावठी कट्टयाचा धाक दाखवत रोकड हिस्कावल्या प्रकरणी आर्म अँक्ट मधील तसेच फिर्यादि महिलेस देहविक्री करण्यास जबरदस्ती केल्याप्रकरणी दाखल दोन्ही गुन्हयातील फरार आरोपी सलीम उर्फ घोडेवाले सिकंदर शेख रा.दीनदयाल नगर भुसावळ यास पोलीस निरीक्षक दिलीप भागवत यांनी मिळालेल्या गुप्त माहितीवरून शुक्रवार १३ रोजी भुसावळ शहरातून घोडेपीर बाबा परिसरातून शोध पथकाने ताब्यात घेतले आहे.
ही कार्यवाही पोलीस अधीक्षक डॉ पंजाबराव उगले व अपर पोलीस अधीक्षक भाग्यश्री नवटके तसेच उपविभागीय पोलीस अधिकारी गजाजन राठोड व पोलीस निरीक्षक दिलीप भागवत यांच्या मार्गदर्शनाखाली सहा पोलीस निरीक्षक अनिल मोरे, संदीप परदेशी, पो हे का सुनील जोशी, पो ना रविंद्र बिऱ्हाडे, रमण सुरळकर, उमाकांत पाटील, महेश चौधरी, पो का विकास सातदिवे, श्रीकृष्ण देशमुख, तुषार पाटील, ईस्वर भालेराव, प्रशांत परदेशी यांनी केली.
