जळगाव (प्रतिनिधी) : जिल्ह्यातील कोरोना संसर्ग नियंत्रणात येत असल्याचे चित्र आहे. दररोजच्या बाधितांपेक्षा बरे होणाऱ्यांची संख्या जास्त असण्याची मालिका दीड महिन्यापासून सुरु असून आजही कायम होती. आज प्राप्त अहवालात १४३ रुग्ण बरे होऊन घरी गेले तर ८४ नवे बाधित आढळून आले. तर दिलासादायक बाब म्हणजे आज एकाही रुग्णाचा मृत्यू झालेला नाही
जळगाव जिल्ह्यात दीड महिन्यापासून कोरोनाचा आलेख घटत आहे. बरे होणारे अधिक, नवे बाधित कमी अशी स्थिती दररोज आढळून येत असून त्यामुळे ॲक्टिव रुग्णही हजारापर्यंत मर्यादित राहिले आहेत. आज प्राप्त दोन हजारांवर अहवालात ८४ नवे बाधित आढळून आले. त्यामुळे एकूण रुग्णांचा आकडा ५२ हजार ९४९ झाला. तर १८३ जण कोरोनामुक्त झाल्यने बरे झालेल्यांची संख्या ५० हजार ५३४ झाली आहे. बरे झालेल्यांचे प्रमाण तब्बल ९५.६६ टक्के आहे. दरम्यान, आज एकही रुग्णाचा मृत्यू झालेला नाही. एकूण मृत्यू १२५९ झाले आहेत.
असे आढळले रुग्ण
जळगाव शहर – २२, जळगाव ग्रामीण- ०२, भुसावळ-२१, अमळनेर-०५, चोपडा-०४, पाचोरा-०२, भडगाव-०१, धरणगाव-०६, यावल-०१, एरंडोल-००, जामनेर-०२, रावेर-०२, पारोळा-०३, चाळीसगाव-०६, मुक्ताईनगर-०१, बोदवड-०४, इतर जिल्ह्यातील-०२ असे एकुण ८४ रूग्ण कोरोनाबाधित आढळून आले आहे.
