अमरावति | प्रतिनिधी
तिवसा येथिल नगरपंचायत चे माजी नगराध्यक्ष वैभव वानखडे यांच्या पंचवटी चौकातील भाड्याने रहात असलेल्या घरी . 2 एप्रिल च्या मध्यरात्री अज्ञात चोरट्यांनी लक्ष करून रोख रक्कम व सोन्याच्या दागिन्यांसह अंदाजे सव्वा लाखाचा मुद्देमाल चोरट्यांनी लंपास केल्याची घटना 3 एप्रिल रोजी सकाळी उघडकीस आली. प्राप्त माहितीनुसार गत आठवड्यात माजी नगराध्यक्ष वैभव वानखडे यांच्या आजीचे निधन झाले. त्यामुळे ते त्यांच्या जुन्या घरी दसव्याच्या कार्यक्रमानिमित्त सहकुटुंब मुक्कामी होते . त्याचाच फायदा घेऊन अज्ञात चोरट्यांनी वानखडे यांच्या पंचवटी चौकातील घराला लक्ष केले. मध्यरात्री दोन ते तीन वाजताच्या सुमारास अज्ञात चोरट्यांनी मुख्य दाराची कडी तोडून घरात प्रवेश केला. व घरातील आलमारी फोडुन त्यातिल वस्तू अस्ताव्यस्त फेकून . पंचवीस हजार रुपये रोख रक्कम , एक अंगठी ,चेन , यासह विहिरीवरील लहान मोटर पंप असा अंदाजे सव्वा लाखाचा मुद्देमाल चोरट्यांनी चोरून नेला . व घरात ठिकाणी ठिकाणी गुटखा खावुन थुंकुन ठेवले होते . ही घटना 3 एप्रिल त्या सकाळी उघडकीस येताच परिसरात खळबळ उडाली . घटनेची माहिती पोलिसांना मिळताच पोलिस निरीक्षक रिता उईके यांनी घटनास्थळी जाऊन पंचनामा केला असून . अमरावती स्थानिक गुन्हे शाखेचे पथक सुद्धा तपासणी करता येते दाखल झाले होते . याप्रकरणी अज्ञात चोरट्याविरुद्ध गुन्हा दाखल करण्यात आला असून .पुढील तपास तिवसा पोलीस करीत आहेत .
