यावल, लोकशाही न्यूज नेटवर्क
यावल तालुक्यातील नायगाव येथील एका तरुणाने आपल्या राहत्या घरी गळफास लावून आत्महत्या केल्याची घटना उघडकीस आली असून याप्रकरणी पोलिसात अकस्मात मृत्यूची नोंद करण्यात आली आहे.
नायगाव तालुका यावल येथील राहणारे मिलींद उर्फ भिका गल्लु कोळी (वय २८) ट्रॅक्टर चालक यांने सकाळी ८ वाजेच्या पुर्वी आपल्या राहत्या घरातील छताच्या साडी बांधुन गळफास घेवून आत्महत्या केली आहे. मयत भिका कोळी यांचा मृतदेह शवविच्छेदनासाठी यावलच्या ग्रामीण रुग्णालयात आणण्यात आले असुन , या अविवाहीत तरुणाने आत्महत्या का केली? याचे कारण अद्याप समजू शकले नाहीय.
यावल पोलीस स्टेशनमध्ये याबाबत चंद्रकांत सुखदेव कोळी आकस्मात मृत्युची नोंद करण्यात आली असुन, याप्रकरणी पुढील तपास पोलीस उपनिरिक्षक जितेन्द्र खैरनार यांच्या मार्गदर्शनाखाली सहाय्यक फौजदार विजय पाचपोळे करीत आहे.
