बोदवड – जामनेर रस्त्यावरिल शेलवड फाट्याजवळील दुर्घटना
बोदवड – तालुक्यातील शेलवड गावी व्दारदर्शनासाठी गेले असता दुचाकीला विना नंबर असलेल्या ट्रॅक्टरने दिलेल्या जोरदार धडकेत भुसावळ येथील सेवानिवृत्त परिचारिका मालती सुधाकर चौधरी (वय ६०) यांचा मृत्यू झाला तर त्यांचा मुलगा सुनील सुधाकर चौधरी (वय ३५) हा गंभीररीत्या जखमी झाल्याची दुदैवी घटना दि.२४ मंगळवार रोजी बोदवड – जामनेर रस्त्यावरील शेलवड फाट्याजवळ घडली.
मयत सेवानिवृत्त परिचारिका मालती चौधरी ह्या भुसावळ येथून दुचाकी क्रं.(एम.एच.१९,०२५६) ने शेलवड येथे व्दारदर्शनासाठी गेल्या होत्या.परत येत असताना समोरून भरधाव वेगाने येत असलेल्या बिना नंबरच्या ट्रॅक्टरने त्यांच्या दुचाकीला जोरदार धडक दिली.त्या व त्यांचा मुलगा सुनिल चौधरी हे दोघे गंभीर जखमी झाले होते.दोघांना तात्काळ बोदवड येथील ग्रामीण रुग्णालयात उपचारासाठी दाखल करण्यात आले.मात्र मालती चौधरी या अपघातात गंभीररित्या जखमी झाल्या असल्याने त्यांचा मृत्यू झाला तर मुलगा सुनिल चौधरी याच्या पायाला गंभीर दुखापत झाली आहे.
