पारोळा (प्रतिनिधी) : तालुक्यातील जोगलखेडे येथे विजेचा शाॅक लागुन एका तरुणाचा मृत्यू झाल्याची घटना आज सकाळी ११.३० वाजेच्या सुमारास घडलीय. विजय रामलाल चव्हाण (वय ३९) असे मृत तरुणाचे नाव आहे. या घटनेनंतर अकस्मात मृत्युची नोंद करण्यात आली.
याबाबत अधिक माहिती अशी की, जोगलखेडे येथील शेतकरी हे आपल्या शेतात पिकांना दि,१४ रोजी सकाळी ११,३० वाजता पाणी भरण्यासाठी विधुत पंप सुरू करण्यासाठी गेले असता,स्टार्टर पेटीत विधुत पुरवठा आल्याने विजेचा धक्का बसला. त्यातच त्यांचा मृत्यु झाला. ते लग्न कार्यात स्वयंपाकीचा व त्यांचा टेंटचा व्यवसाय होता. या दुर्घटने मुळे गावात हळहळ व्यक्त होत आहे. या घटनेनंतर अकस्मात मृत्युची नोंद करण्यात आली. पुढील तपास आशिष चौधरी हे करीत आहेत.
