भडगाव (प्रतिनिधी) : भडगाव यशवंत नगर भागात दि 12 रोजी दुपारी 5 च्या सुमारास 28 वर्षीय पंकज मोरे या तरुणाने जुन्या भांडणाचा वचपा काढत दोन जणांना पोटात चाकूने भोसकले . एका जखमीवर भडगाव तर दुसऱ्यावर जळगाव येथे उपचारासाठी दाखल करण्यात आले आहे.
याबाबत जखमी सीताराम दिलीप सोनवणे ( वय 35, राहणार यशवंत नगर पाणी टाकी जवळ) यांनी दिलेल्या फिर्यादितआरोपी- पंकज दीपक मोरे (वय 28, रा. यशवंत नगर भडगाव ) याने जुन्या भांडनाच्या काराणावरून त्याने हातातील चाकूने जीवे ठार मारण्याचा प्रयत्न केला शिवीगाळ केली म्हणून पंकज मोरे याच्या विरोधात भडगाव पोलिस स्टेशन ला भा.द.वी. 307, 504, 506 प्रमाणे गुन्हा दाखल करण्यात आला आहे.
घटनेची माहिती होताच घटनास्थळी पोलिसांनी धाव घेतली. थोड्याच वेळाने आरोपी पंकज मोरे यास पोलीस निरीक्षक धनंजय येरुळे, पोलीस उपनिरीक्षक आनंद पठारे, पोलीस नाईक लक्ष्मण पाटील, ईश्वर पाटील, नितीन रावते,प्रल्हाद शिंदे, भाऊसाहेब पाटील आदींनी आरोपीचा तात्काळ शोध घेऊन त्यास अटक केली असून पुढील तपास पोलीस उपनिरीक्षक आनंद पठारे करत असल्याची माहिती पोलिसांनी दिली आहे.
