जळगाव (प्रतिनिधी) : जिल्ह्यात आज दिवसभरात ३८ नवे कोरोनाबाधित रुग्ण आढळून आले आहेत. तर दुसरीकडे आज ४० रुग्णांनी कोरोनावर यशस्वी मात केली आहे. तसेच आज उपचारा दरम्यान २ रुग्णांचा मृत्यू झालाय.
जळगाव जिल्ह्यात दोन महिन्यांपासून कोरोनाचा संसर्ग नियंत्रणात असल्याची स्थिती होती. मात्र, दिवाळीपूर्वी व उत्सव काळात मोठ्या प्रमाणात नागरिक बाहेर पडल्याने बाजारपेठ प्रचंड गजबजली. त्यामुळे दिवाळीनंतर कोरोनाची दुसरी लाट येण्याची शक्यता व्यक्त होत होती, ती भीती आता खरी ठरु पाहत आहे. जिल्ह्यात आतापर्यंत रुग्णांची एकुण संख्या ५३ हजार ९८९ पर्यंत पोहचली असून ५२ हजार ३३० रूग्ण बरे होवून घरी परतले आहेत. तर आज २ रुग्णांचा मृत्यू झाला आहे. तर आतापर्यंत १२८६ रुग्णांचा मृत्यू झाला आहेत. तर ३७३ रुग्ण सध्या उपचार घेताय.
असे आढळले रुग्ण
जळगाव शहर –१२, जळगाव ग्रामीण- ०२, भुसावळ- ०६, अमळनेर- ०१, चोपडा-०३, पाचोरा-०१, भडगाव-००, धरणगाव-००, यावल-०१, एरंडोल-०१, जामनेर-०१,रावेर-०६, पारोळा-००, चाळीसगाव-०३, मुक्ताईनगर-०१, बोदवड-००, इतर जिल्ह्यातील-०० असे एकुण ३८ रूग्ण कोरोनाबाधित आढळून आले आहे.
