जळगाव : जिल्ह्यात कोरोना संसर्गाची साथ नियंत्रणाबाहेर गेली आहे. आज (दि.२९) प्राप्त अहवालात ५६६ नवीन बाधित आढळून आले आहे. कोरोनाचा हॉटस्पॉट बनलेल्या जळगाव शहरात कोरोनाचा विस्फोट सुरूच आहे. जळगाव शहरात १४३ रुग्ण आढळून आले असून शहातील एकूण संख्या ५ हजार ९५५ वर गेली आहे. जिल्ह्यातील एकूण संख्या २६ हजार ४३९ वर पोहचली आहे. दरम्यान, दिलासादायक बाब अशी की, आज रुग्ण संख्या पेक्षा बरे होणाऱ्याची संख्या जास्त आहे. आज तब्बत ६१० रुग्ण बरे झाले आहे.
जिल्ह्यात इतर ठिकाणी आढळलेले रुग्ण
जळगाव ग्रामीण १४३, भुसावळ ४६, अमळनेर ७४, चोपडा ५१, पाचोरा १०, भडगाव ३६, धरणगाव २४, यावल २३, एरंडोल- ०७, जामनेर ४१, रावेर १६, पारोळा २७, चाळीसगाव १८, मुकताईनगर- १०, बोदवड- ०५ आणि इतर जिल्ह्यातील ०५.
आज दिवसभरात बरे झालेल्या ६१० रुग्णांसह बरे झालेल्यांचा आकडाही १८ हजार ६९८वर गेला आहे. गेल्या २४ तासांतील ०९ बळींनी मृत्यू झालेल्यांची संख्या ७९८ इतकी झाली. जिल्ह्यातील विविध रुग्णांमध्ये ६ हजार ९४३ रुग्ण उपचार घेत आहे.
