जळगाव । जिल्ह्यात आज दिवसभरात ११९१ नवे बाधित रुग्ण आढळून आले आहे. तर आज १४ रुग्णांचा मृत्यू झाला आहे.
जिल्ह्यात कोरोना काही केल्या कमी होत नाहीय. मागील काही दिवसापासून कोरोनाने कहर केला आहे. दरम्यान, आज १९९१ नवे बाधित रुग्ण आढळून आले आहे . त्यात सर्वाधिक रुग्ण चोपडा तालुक्यातील आहे. जिल्ह्यात आतापर्यंत बाधितांची संख्या ८७ हजार ८७९ झाली आहे. त्यात एकूण ७४ हजार ५९४ रूग्ण बरे झाले आहे. जिल्ह्यात महिनाभरापासून वाढणाऱ्या संसर्गामुळे ॲक्‍टिव्ह रूग्‍णांचा आकडा देखील वाढत आहे. ११ हजार ६७४ रुग्ण उपचार घेत आहे. तर आज १४ रुग्णांचा मृत्यू झाला असून मृताच एकूण आकडा १६११ वर गेला आहे.
असे आढळले रुग्ण :
जळगाव शहर १७१, जळगाव तालुका ४७; भुसावळ १९३, अमळनेर- १२०; चोपडा- २३३; पाचोरा ४१; भडगाव ४८; धरणगाव ४८; यावल २४; एरंडोल ६५, जामनेर ४६; रावेर २६, पारोळा २०; चाळीसगाव ५६; मुक्ताईनगर ३१; बोदवड-२० आणि इतर जिल्ह्यातील ०२ असे ११९१ रूग्ण आढळून आले आहेत.
