जळगावात यंदा उत्सव समितीकडून रावण दहन सोहळा
जळगाव लोकशाही न्यूज नेटवर्क: जळगाव शहरात दरवर्षी मेहरूण तलाव परिसरात रावण दहन सोहळ्याचे आयोजन केले जाते. य सर्वपक्षीय नेत्यांची नवी उत्सव समिती गठित करण्यात आली असून, तिच्यावतीने हा पारंपरिक सोहळा आयोजित केला जाणार आहे.
सर्वपक्षीय नेत्यांची ‘रावण दहन उत्सव समिती’ स्थापन करण्यात आली. या समितीचे अध्यक्ष विष्णु भंगाळे, उपाध्यक्ष नितीन लढा, सचिव सरिता माळी असून, सुनिल महाजन, सीमा भोळे, कैलास सोनवणे, आशुतोष पाटील, कुंदन काळे, अॅड. दिलीप पोकळे, प्रविण कोल्हे, सुनिल खडके, केतकी पाटील, संजय पवार, शरद तायडे, प्रताप पाटील, गणेश सोनवणे, अनिल अडकमोल व अॅड. सुनील पाटील यांचा समावेश आहे.
हा सोहळा गुरुवार, दि. २ ऑक्टोबर रोजी सायंकाळी ६ वाजता मेहरूण तलाव परिसरातील लंका नगरी येथे होणार आहे. कार्यक्रमाचे उद्घाटन व रावण दहन सोहळा राज्याचे मंत्री गिरीश महाजन तसेच पालकमंत्री गुलाबराव पाटील यांच्या हस्ते पार पडणार असून, या कार्यक्रमाच्या अध्यक्षस्थानी जळगाव शहराचे आमदार सुरेश भोळे राहणार आहेत.
या पारंपरिक सोहळ्याचा आनंद कुटुंबासह घ्यावा, असे आवाहन रावण दहन उत्सव समितीने जळगावकरांना केले आहे.
