जळगाव :- आज देशात रामजन्मोत्सव मोठ्या उत्साहात साजरा केला जात आहे. त्यानिमित्त विविध ठिकाणी आज दिवसभरात विविध धार्मिक कार्यक्रमांचे आयोजन करण्यात आले आहे. दरम्यान शहरातील श्रीराम मंदिरामध्ये दर्शनासाठी जनसागर उसळला असून चिमुकले राम मंदिर या ठिकाणी आज राज्याचे जलसंपदामंत्री गिरीश महाजन यांनी आरती केली. यावेळी आमदार राजूमामा भोळे, आमदार चंद्राभाई पटेल हे उपस्थित होते. पोलीस मुख्यालयात असलेले चिमुकले राम मंदिर संस्थान येथे सकाळी श्रीराम पादुकांची महापूजा करण्यात आली. यानंतर मंदिर भाविकांना दर्शनासाठी खुले ठेवण्यात आले होते.