श्रीनगर – जम्मू-श्रीनगर हायवेवर मोटारसायकलवरुन हल्ला करण्याची गुप्तचर यंत्रणांना मिळालेल्या माहितीनुसार संपूर्ण हायवे परिसरता रेड अलर्ट जारी करण्यात आला आहे. यावेळी महामार्गावरील वाहतूक पूर्णपणे बंद करण्यात आली असून मोटारसायकल हायवेवर येणार नाही याची खबरदारी घेण्यात येत आहे.
रविवारी सकाळी सात ते आठच्या दरम्यान दहशतवादी जम्मू-श्रीनगर हायवेवर बॉम्ब ब्लास्ट करणार असल्याची माहिती गुप्तचर यंत्रणेला मिळाली. त्यानंतर सुरक्षा यंत्रणांकडून हायवेवर मोठ्या प्रमाणात बंदोबस्त ठेवण्यात आला आहे. श्रीनगरच्या बटवारा परिसर हा अतिसंवेदनशील असल्याने याठिकाणी बॉम्बब्लास्ट केला जाऊ शकतो अशी माहिती सूत्रांनी दिली आहे. मात्र या परिसराशिवाय दहशतवादी हायवेवर कुठेही दहशतवादी कृत्य करु शकतो. यासाठी सुरक्षा यंत्रणा तैनात आहेत. जोपर्यंत गुप्तचर यंत्रणेकडून कोणताही पुढील आदेश येत नाही तोवर महामार्गावरील वाहतूक बंद ठेवली जाणार आहे.
