नवी दिल्ली – सर्वोच्च न्यायालयानेही ‘चौकीदार चोर है’ म्हटलंय, या वक्तव्याबद्दल काँग्रेस अध्यक्ष राहुल गांधी यांनी अखेर बिनशर्त माफी मागितली आहे. चौकीदार चोर है प्रकरणात राहुल गांधींनी तिसऱ्यांदा प्रतिज्ञापत्र दाखल केलं आहे. याआधीच्या दोन प्रतिज्ञापत्रात त्यांनी खेद व्यक्त केला होता. मात्र आता त्यांनी बिनशर्त माफी मागितली आहे.
राफेल डील प्रकरणात सर्वोच्च न्यायालयात सुनावणी सुरू आहे. मागील सुनावणीदरम्यान सर्वोच्च न्यायालयानं मोदी सरकारला धक्का दिला होता. त्यावर भाष्य करताना ‘आता सर्चोच्च न्यायालयदेखील म्हणतंय चौकीदार चोर है,’ अशी प्रतिक्रिया देत राहुल यांनी पंतप्रधान नरेंद्र मोदींवर निशाणा साधला होता. त्यावर भाजपानं तीव्र आक्षेप घेतला होता. राहुल गांधी यांनी आतापर्यंत या वक्तव्याबाबत दिलगीरी व्यक्त केली होती, माफी मागितली नव्हती. पण त्यावरुन सर्वोच्च न्यायालयाने खंत व्यक्त करत राहुल गांधींना फटकारलेही होते. त्यानंतर आज अखेर राहुल गांधी यांनी न्यायालयाची माफी मागितली आहे.
Congress President Rahul Gandhi has filed a three page affidavit stating his unconditional apology to Supreme Court for his remark on Rafale deal, “Supreme Court has accepted that “chowkidaar chor hai” https://t.co/UGBf8PR8D2
— ANI (@ANI) 8 May 2019
