चाळीसगाव :-(प्रतिनिधी )शहरातील गोळीबार प्रकरणी आरोपीस धुळे येथून अटक करण्यात आली आहे. शहरातील हुडको परिसरात रजा नगर मध्ये मदिना मज्जित जवळ बंबईया उर्फ जुबेर शेख वय वर्ष 25 राहणार हुडको नगर चाळीसगाव हा मदीना मशीद जवळील टपरीवर बसला असता त्या ठिकाणी यामा एफ झेड या रेसर मोटारसायकलवर, टी शर्ट घातलेले दोन अज्ञात युवकांनी गावठी कट्ट्याने जुबेर वर फायरिंग केली होती, त्यानंतर जुबेर यास तात्काळ शहराच्या देवरे हॉस्पिटल मध्ये दाखल करण्यात आले होते, बंबईया उर्फ जुबेर च्या डाव्या मांडीला गोळी लागली होती त्यावर दवाखान्यात उपचार सुरु आहे.
जळगाव व चाळीसगाव पोलीसांची संयुक्त कामगिरी
या घटनेबाबत चाळीसगाव शहर पोलीस स्टेशनला गुन्ह्याची नोंद झाल्यानंतर पोलीसांनी या गोळीबार प्रकरणी चौकशी करण्यासाठी स्थानिक पोलीसांसह जिल्हा गुन्हे अन्वेषण विभागाने आरोपीच्या शोधासाठी चार पथके तयार केली होती.
जिल्हा पोलिस अधीक्षक प्रवीण मुंडे यांनी आदेशानुसार स्थानिक गुन्हा शाखेचे पोलिस निरीक्षक किरणकुमार बकाले यांच्या मार्गदर्शनाखाली रामकृष्ण पाटील, सुधाकर अंभोरे, राहुल पाटील, यांच्या पथकाने ज्या ठिकाणी बंबईया उर्फ जुबेर शेख यांच्या वर गोळीबार करण्यात आला होता त्या परीसरातील सी सी टी व्ही,फुटेज वरून जळगाव येथील अरबाज पिंजारी या संशयितास धूळे येथून पोलीसांनी ताब्यात घेतले
चाळीसगाव शहरात एकाच महिन्यात दोन घटनांमध्ये गोळीबार व एका घटनेत कट्टा घेऊन फिरणाऱ्या युवकाला अटक करण्यात आल्याचे घटनेमुळे चाळीसगाव शहर क्राईम च्या पटलावर आहे. या घटनेनंतर जिल्हा पोलिस अधीक्षक डॉ. प्रवीण मुंडे यांनी चाळीसगावी येवून हुडको परिसराला भेट देऊन परीस्थिती पाहणी केली व पोलीसांना योग्य सुचना केल्या.
संशयित आरोपी जळगावचा सुपारी कनेक्शन तर नाही ना? ,मागील एक महिन्यापूर्वी ही ह्याच बंबईया उर्फ जुबेर शेख वर नागदरोड वरील हैदर गॅंगने हल्ला केला होता ,या हल्ल्याप्रकरणी चाळीसगाव शहर पोलीस स्टेशनला गुन्हाही दाखल आहे, या गुन्ह्यातील सहा आरोपी पैकी चार आरोपी अजूनही जळगाव सबजेल येथे अटकेत असून त्यातील दोन आरोपी हे नुकतेच जामिनावर सुटून आले आहेत, संशयित आरोपी अरबाज पिंजारी हा जळगाव चा असल्याने आणि हैदर गॅंगचे काही आरोपी अजूनही जळगाव सबजेल मध्ये असल्याने गुन्हा शाखेचे पोलिस हा तपास कशा पद्धतीने करतात या कडे लक्ष लागले आहे,
या गुन्ह्याचा तपासात चाळीसगाव शहर पोलीस स्टेशनचे पोलीस निरीक्षक विजय कुमार ठाकुरवाड एपीआय एन सय्यद व पोलीस हेड कॉन्स्टेबल उमेश उबाळे मदत करीत आहे,
