आरोपीस दोन दिवस पोलिस कस्टडी
शेंदुर्णी,ता. जामनेर (प्रतिनीधी) : पत्नीच्या चारित्र्याच्या संशयावरून पछाडलेल्या पतीने आपल्या ३६ वर्षीय पत्नीस बुडवून ठार केल्याची घटना मंगळवारी सकाळी उघडकीस आल्याने पतीविरुद्ध पहूर पोलीस स्टेशनला गुन्हा दाखल करण्यात आला आहे.
मगलांबाई प्रकाश मोरे (वय ३६,रा.वावडदा ता. जळगांव हल्ली मुक्काम फुकट पुरा शेंदूर्णी) असे मयत महिलेचे नाव आहे. या महिलेला पती प्रकाश सुकलाल भिल राहणार वावडदा ता. जळगांव हल्ली मुक्काम फुकट पुरा शेंदूर्णी याने चारित्र्यावर संशय घेऊन येथील जंगीपुरा शिवारातील नथी आंबा झाडाच्या समोर सोननदी पात्रातील पाण्यात बुडवून मारले असल्याची तक्रारदार गजानन जनार्धन गायकवाड रा. फुकट पुरा शेंदूर्णी यांनी पहुर पोलीस स्टेशनमध्ये दिली . तक्रारी नुसार १ रोजी दुपारी ११ ते ५ वाजे दरम्यान घटना घडल्याचे नमूद करण्यात आले. पहुर पोलीस स्टेशन भाग ५ गु.र.न.१४२/२०२० भादंवी कलम ३०२ नुसार गुन्हा नोंदविण्यात आला असून तक्रारीत आरोपी हा मयताचा पती असून पत्नीच्या चारित्र्यावर घेत होता त्यामुळे त्याने मयत पत्नीला जीवे मारले आहे. आरोपीस अटक करण्यात आली असून पुढील तपास उपविभागीय पोलीस अधिकारी ईश्वर कातकडे यांच्या मार्गदर्शनाखाली पहुर पोलिस स्टेशनचे सपोनि राकेशसिंग परदेशी पोलीस उपनिरीक्षक किरण बर्गे करीत आहे.
दोन दिवसांची पोलिस कस्टडी
आज सदर आरोपीला जामनेरच्या कोर्टात हजर केले असता न्यायालयाने त्यास दोन दिवसांची पोलिस कस्टडी सुनावणी आहे.
