लोकशाही न्यूज नेटवर्क | जळगाव : जिल्ह्यात कोरोनाचा विस्फोट झाला असून जळगाव शहरासह भुसावळ कोरोना हॉटस्पॉट होवू लाहत आहे. यासोबतच चाळीसगाव तालुक्यात देखील कोरोना रूग्ण संख्येत वाढ झाली असून मागील चोवीस तासात जिल्ह्यात १७९ बाधित रूग्ण आढळून आले आहेत.
भुसावळात सर्वाधिक रूग्ण
जळगाव जिल्ह्यात दिवसेंदिवस कोरोनाचा प्रादुर्भाव वाढत असून आज कोरोनाच्या बाधितांचा आकडा पावणे दोनशेच्यावर पोहचला आहे. यात सर्वाधिक रुग्ण हे भुसावळ शहरात असून ७३ बाधित रुग्ण आढळून आले आहेत. तर जळगाव शहरात कोरोना आकडेवारी वाढली आहे.
असे आढळले बाधित
जळगाव जिल्ह्यात आज दिवसभरात एकुण १७९ कोरोना रूग्ण आढळून आले आहे. यात जळगाव शहरात ६४, जळगाव ग्रामीण ५, भुसावळ ७३, चाळीसगाव १६, अमळनेर १, चोपडा २, पाचोरा २, धरणगाव १, जामनेर ५, रावेर २, मुक्ताईनगर २, बोदवड ५ आणि इतर जिल्ह्यातील १.
