मुंबई : जगभरात थैमान घालणाऱ्या करोना व्हायरसने आता भारतातही वेगाने परण्यास सुरूवात केली आहे. ‘कोरोना’चा वाढता प्रादुर्भाव रोखण्यासाठी सर्वतोपरी प्रयत्न सुरु आहेत. दरम्यान, या पार्श्वभूमीवर खबरदारीचा उपाय म्हणून सीबीएसई आणि आयसीएसई शिक्षण बोर्डानं १० आणि १२ वीच्या परीक्षांना स्थगिती दिली आहे. तसेच परिस्थितीचा आढावा घेऊन या परीक्षांचं पुढील टाइम टेबल लवकरच प्रसिद्ध केलं जाणार असल्याचंही त्यांनी प्रसिद्धी पत्रकांद्वारे कळवलं आहे.
Council for the Indian School Certificate Examinations (ICSE) postpones class 10th and 12th exams in view of #Coronavirus. Revised dates to be announced later. pic.twitter.com/sRruEUlB6S
— ANI (@ANI) March 19, 2020
आयसीएसई बोर्डाच्या कार्यक्रमानुसार, बारावीच्या बोर्डाची परीक्षा ३ फेब्रुवारीपासून सुरु होऊन ३१ मार्चपर्यंत चालणार होती. तर दहावीची बोर्डाची परीक्षा २७ फेब्रुवारीला सुरु होऊन ३० मार्च दरम्यान चालणार होती. मात्र, आता सर्व परीक्षा बोर्डाने स्थगित केल्या आहेत. परीक्षांचे नवे वेळापत्रक जाहीर करण्यात येणार असून आयसीएसई बोर्डाच्या सर्व शाळांनी विद्यार्थी – पालकांनी ही माहिती सूचित करावी असे आवाहन बोर्डाने केले आहे. बोर्डाचे मुख्य कार्यकारी आणि सचिव गेरी अराथून यांनी प्रसिद्धीपत्रकाद्वारे ही माहिती दिली आहे.
