मुंबई: इंडियन प्रीमीयर लीगच्या आयोजनावर कोरोना व्हायरसचं संकट उभे राहिले आहे. कोरोनाच्या पार्श्वभूमीवर 29 मार्चपासून सुरु होणारी आयपीएल 13 वि हंगामी स्पर्धा एप्रिलच्या मध्यापर्यंत पुढे ढकलण्यात आली आहे. इंटरनॅशनल क्रिकेट काऊन्सिलने (आयसीसी) ट्वीट करुन याबाबत माहिती दिली. ही स्पर्धा आता 15 एप्रिलपासून सुरु होणार आहे.
🚨Announcement🚨: #VIVOIPL suspended till 15th April 2020 as a precautionary measure against the ongoing Novel Corona Virus (COVID-19) situation.
More details ➡️ https://t.co/hR0R2HTgGg pic.twitter.com/azpqMPYtoL
— IndianPremierLeague (@IPL) March 13, 2020
करोना व्हायरसचा धोका वाढल्याने आयपीएल स्पर्धा पुढे ढकलण्यासंदर्भात दबाव वाढला होता. यासंदर्भात केंद्राने देखील यावर्षी स्पर्धा घेऊ नये असा सल्ला दिला होता आणि स्पर्धा घेणार असाल तर त्या रिकाम्या स्टेडियममध्ये प्रेक्षकांशिवाय घ्याव्यात असे सरकारचे म्हणणे होते. कोरोना व्हायरसचा संसर्ग वाढत असून स्पर्धा दोन आठवडे पुढे ढकलण्याचा निर्णय घेण्यात आला आहे. आता आयपीएल 13 व्या सीझनची सुरुवात 15 एप्रिलपासून होणार आहे. दरम्यान, 29 मार्च रोजी मुंबईत चैन्नई सुपरकिंग्स आणि मुंबई इंडियन्स यांच्यातील सामन्यापासून IPL ला सुरुवात होणार होती.
