औरंगाबाद: राज्यात करोनाबाधित रुग्णांची संख्या वाढली असतानाच, औरंगाबाद जिल्ह्यात दोन संशयित रुग्ण आढळून आले आहेत. त्यांच्यावर उपचार करण्यात येत आहेत. तसंच १२ संशयित रुग्णांना देखरेखीखाली ठेवण्यात आलं आहे.
त्यांना त्यांच्या घरी निरीक्षणाखाली ठेवण्यात आले आहे. त्यांच्या प्रकृतीबाबत प्रशासन वेळोवेळी माहिती घेत आहे. याशिवाय बाहेरच्या देशातून आलेल्या प्रवाशांची माहिती मिळताच, आम्ही त्यांची घरी जाऊन वैद्यकीय तपासणी करणार असल्याची माहिती जिल्हा शल्य चिकित्सक डॉ. सुंदर कुलकर्णी यांनी पत्रकार परिषदेत दिली. यावेळी प्रभारी जिल्हाधिकारी भानुदास पालवे हेही उपस्थित होते.
