कार्तिकी पौर्णिमा उत्सवाची तयारी सूरू
जळगाव —- येथील निवृत्ती नगर मधील केरळी महिला ट्रस्टचे अयप्पा स्वामी मंदीर काल दि २३ रोजी खुले करण्यात आले. यावेळी विधिवत पूजा देखिल करण्यात आली. २९ नोंव्हेपासून कार्तिक पोर्णिमा सूरू होत असल्याने तयारी सूरू करण्यात आली आहे.
संपुर्ण केरळी पध्दतीने बांधलेले हे मंदीर गेल्या २५ वर्षापासून कार्तिकी पोर्णिमेनिमीत्त दर्शनासाठी खुले करण्यात येते. या मंदिरात कार्तिकस्वामी व्यतिरीक्त नवग्रह व इतर देवतांची देखिल मंदीर असून ते वर्षभर दर्शनासाठी खुले असते. या मंदिरात दर्शनासाठी दरवर्षी भाविक दुरदेशातून मोठया प्रमाणात येत असतात. काल लॉकडाउन नंतर अयप्पा स्वामी मंदिराचे दरवाजे सर्वसामान्याकरीता खुले करण्यात येउन विधीवत पूजा देखिल करण्यात आले. शासनाच्या नियमांचे यावेळी पालन करण्यात आले. येत्या २९ नोव्हेंपासून सूरू होत असलेल्या कार्तिकी पौर्णिमा उत्सवाची तयारीला देखिल सूरूवात करण्यात आली. यावेळी झालेल्या बैठकीत जानकी दामोदरन, तनुजा अजिथ, सथी दामोदरन, शुभा वेणूगोपालन,रेमा पिल्लई,शिजा अशोकन,रजनी प्रदीप, सी जी नायर इ उपस्थीत होते.
दि २९ पासून सुरू होणाया कार्तिक पौर्णिमा उत्सवाची जोरात तयारी सूरू करण्यात आली असून कोरोना संकट लक्षात घेता सर्व सुविधा देखिल पुरवण्यात येणार आहे. पण तरीही सोशल डिस्टसिंग व शासनाचे नियम पाळले जावे म्हणून भक्तगणांनी देखिल परिस्थीतीचे भान ठेवणे गरजेचे आहे त्यामूळे याबाबत उपाययोजनांवर विचार देखिल करण्यात आला असून मंदिर दर्शनासाठी खुले करण्यात आले असून नियमांचे पालन भक्तांनी करावे असे आवाहन केरळी महिला ट्रस्टतर्फे करण्यात आले आहे.
