कॅनॉलमध्ये स्कुल व्हॅन कोसळली ; 11 विद्यार्थी जखमी

सांगली, लोकशाही न्यूज नेटवर्क 

आष्टा येथे क्लेरमोंट स्कुलची स्कुल व्हॅन कॅनॉलमध्ये कोसळल्याने अकरा विद्यार्थी, ड्रायव्हर व सहाय्यक महिला जखमी झाली. सोमवार सकाळी साडे आठच्या सुमारास आष्टा मर्दवाडी रोडवर मिरजवेस कडून एक पिवळ्या रंगाची टाटा मॅजिक कंपनीची स्कुल व्हॅन भरधाव वेगाने पूल संरक्षक दगडाला थटून कॅनॉलमध्ये कोसळली. यावेळी तेथील शेतकऱ्यांनी जखमी विद्यार्थ्यांचा ओरडण्याचा आवाज ऐकून नाल्यात उतरून अकरा विद्यार्थी, ड्रायव्हर व सहाय्यक महिलेला बाहेर काढले.

यात  प्रियांशी संदीप फडतरे (वय 11) हिचा उजवा खांदा फॅक्चर झाला आहे. शरण्या फरफुल्लकुमार खोत सिनियर के.जी. रा. हिला डाव्या हाताच्या मनगटास मार लागला. नंदिनी प्रविणकुमार गायकवाड इयत्ता पहिली हिच्या डोक्याला मार लागला. मनस्वी रवींद्र नलवडे सिनियर के जी हिचे डावे हाताचे मनगट व कमरेला मार लागला. तसेच इतर 7 विद्यार्थ्यांना  हात, पाय व डोक्याला  मुकामार लागला. सोबत असलेल्या महिला वैशाली राजेंद्र झिनगे यांना हात पायास खरचटून मुकामार लागला. चालक ओंकार घेवदे यास हातापायास मुकामार लागून जखमी झाला.

सदर व्हॅन सचिन मिलिंद लांडगे यांची आहे. दरम्यान चालक ओंकार जयवंत घेवदे याच्याविरुद्ध रस्त्याच्या परिस्थितीकडे दुर्लक्ष करून भरधाव वेगाने व्हॅन चालवून विद्यार्थ्यांना जखमी होण्यास कारणीभूत धरून अभय राजकुमार चौगुले यांनी आष्टा पोलीस ठाणेत फिर्याद दिली आहे. अधिक तपास आष्टा पोलीस करीत आहेत.

 

LEAVE A REPLY

Please enter your comment!
Please enter your name here