मुक्ताईनगर (प्रतिनीधी) : तालुक्यातील कु-हा काकोडा परिसरात गेल्या काही दिवसांपासून महावितरणाचे जबाबदार अधिकारी विजचोरांना पडद्यामागून मदत करीत असलेल्याची धक्कादायक माहिती समोर आली असून येथे ईमानेईतबारे वीजबील भरणा-यांना अन्याला समोरे जावं लागत असून चोर सोडून संन्यासाला फाशीची प्रकार महावितरणाकडून सुरु आहे.
गेल्या अनेक दिवसांपासून येथील अँक्वा प्लांट धारकांशी महावितरणचे अधिकाकारी हातमिळवणी करून शासनाची फसवणुक करीत असल्याची धक्कादायक प्रकार माहिती अधिकारातून उघडकीस आला आहे.त्याचं बरोबर ईमानेईतबारे वीजवितरण कंपनीचे दयेक नियमीत भरणा-यांवर मात्र सर्रास अन्याय होत आहे.एकंदर ईमानेईतबारे विजबील देयक अदा करणा-यांनी इतर चोरांप्रमाणे विजचोरी करावी की काय? असा संतप्त सवाल यानिमित्ताने उपस्थित होत आहे.
त्यामुळे येथे सुरु असलेल्या विज चोरीमुळे महावितरणाचे मोठ्या प्रमाणात आर्थिक नुकसान होत असून यात सहभागी असलेल्या भ्रष्ट अधिका-यांची आर्थिक स्थिती भक्कम होत असल्याचे बोलले जात आहे. यामुळे वरिष्ठांकडून या प्रकरणाची सखोल चौकशी झाल्यास गेल्या अनेक दिवसांपासून आर्थिक मलिदा लाटून आर्थिकस्थिती भक्कम करू पाहत असलेले अधिकारी व कर्मचारी तसेच विजचोराना पाठबळ देत असलेल्या इतरांचाही खरा चेहरा समोर येईल यात शंका नाही.
