जळगाव ;– तालुक्यातील कुसुंबा येथे नैराश्यातून एकाने गळफास घेऊन आत्महत्या केल्याची घटना आज सकाळी ११ वाजेच्या सुमारास उघडकीस आली. ईश्वर चुडामण लोहार वय (५९) असे गळफास घेणाऱ्या व्यक्तीचे नाव असून परिसरात खळबळ उडाली आहे. याबाबत एमआयडीसी पोलीस स्टेशनला अकस्मात मृत्यूची नोंद करण्यात आली आहे.
ईश्वर लोहार हे रिक्षाचे मेकॅनिक म्हणून काम करतात. गेल्या काही दिवसांपासून ते नैराश्यात होते. तसेच त्यांना दारूचे व्यसन होते. ते घरी एकटेच होते. आज सकाळी दरवाजा बंद असल्याने शेजारी राहणारे सुनील गोराणे यांनी दरवाजा ठोठावला असता कुठलाही प्रतिसाद न मिळाल्याने खिडकीतून आत पाहिले असता गळफास घेऊन आत्महत्या केल्याचे दिसून आले. याबाबत एमआयडीसी पोलीस स्टेशनला अकस्मात मृत्यूची नोंद करण्यात आली आहे. त्यांच्या पश्चात पत्नी एक मुलगा तीन मुली आहेत .
