मुंबई :- काँग्रेसचे विरोधी पक्षनेते राधाकृष्ण विखे यांचे चिरंजीव सुजय विखे यांनी भाजपत प्रवेश केल्यापासून विखे हे काँग्रेसपासून दूर गेले आहेत. लोकसभा निवडणूक प्रचारात ते जिल्ह्यात आणि राज्यात फिरकले नाहीत. त्यामुळे आज गुरुवारी शिर्डीत विखे-पाटील हे आपली राजकीय भूमिका स्पष्ट करणार आहेत. शिर्डी लोकसभेसाठी काँग्रेसचा प्रचार करायचा की शिवसेना-भाजप युतीचा याचा फैसला ते करणार आहेत.
दरम्यान, ‘विखे यांनी बुधवारी श्रीरामपूरमध्ये समर्थक कार्यकर्त्यांचा मेळावा घेतला. त्यात त्यांनी कार्यकर्त्याची बाजू समजून घेतली. लोकसभा निवडणूक प्रचारात ते जिल्ह्यात आणि राज्यात फिरकले नाहीत. उलट नगरमध्ये तळ ठोकून मुलाचा प्रचार केला. नगरची निवडणूक संपल्याने शिर्डी लोकसभेसाठी कॉंग्रेसचा प्रचार करायचा का? इतर कोणाचा, याचा निर्णय आज गुरुवारी राधाकृष्ण विखे जाहीर करणार आहेत.
