ठाण्यातील कळव्यामध्ये कोसळली दरड, सहा घरे जमीनदोस्त

0

ठाणे : ठाण्यातील कळवा  येथे दरड  कोसळल्याची घटना घडली आहे. कळवा पूर्व येथील इंदिरानगरमधील माँ काली चाळीतील सहा घरांवर ही दरड कोसळली आहे. शनिवारी रात्री उशिरा ही घटना घडली. या दुर्घटनेत सहा घरांचं नुकसान झालं आहे. सुदैवानं या दुर्घटनेत कोणतीही जीवितहानी झाली नाही आहे.

ठाणे महापालिकेच्या प्रादेशिक आपत्ती व्यवस्थापन कक्षाने दिलेल्या माहितीनुसार, पोलीस अधिकारी, आरडीएमसी आणि अग्निशमन दल घटनास्थळी दाखल झालेत या घटनेत कोणतीही जीवितहानी झालेली नाही.

 

कळवा पूर्व भागातील इंदिरानगरमधील माँ काली चाळ येथील घरांवर दरड कोसळली. यात सहा घरांचे नुकसान झालं आहे. त्यानंतर खबरदारी म्हणून जवळच्या घरांतील रहिवाशांना पत्ती व्यवस्थापन विभाग आणि अग्निशमन दलाच्या जवानांनी 20 ते 25 घरातील कुटुंबियांना गोलाई नगर येथील ठाणे महापालिका शाळेत हलवलं आहे. या घटनेनंतर मदत आणि बचावकार्य सुरू करण्यात आलं आहे.

Leave A Reply

Your email address will not be published.