Thursday, September 29, 2022

कर्जबाजारीपणामुळे शेतकऱ्याची गळफास घेवून आत्महत्या

- Advertisement -

पाचोरा , लोकशाही न्युज नेटवर्क

- Advertisement -

तालुक्यातील सातगाव (डोंगरी) येथील ४० वर्षीय शेतकऱ्याने नापिकी व कर्जबाजारीपणामुळे आपल्या राहत्या घरात गळफास घेऊन आत्महत्या केल्याची दुर्दैवी घटना घडली आहे. घटनेप्रकरणी पाचोरा पोलिसात अकस्मात मृत्यूची नोंद करण्यात आली असून सदरील तपास शुन्य क्रमांकाने पिंपळगाव हरेश्वर पोलिस स्टेशनकडे वर्ग करण्यात आला आहे.

- Advertisement -

- Advertisement -

सातगाव (डोंगरी) ता. पाचोरा येथील रहिवाशी अशोक एकनाथ लांडगे (वय  ४०) यांचेकडे दोन एकर जमिन असुन सततच्या नापिकीमुळे व कर्जबाजारीपणामुळे त्यांनी दि. १३ रोजी दुपारी १ वाजेच्या सुमारास आपल्या राहत्या घरी गळफास घेऊन आपली जीवनयात्रा संपवली.

मयत अशोक लांडगे यांच्या आईच्या नावे महाराष्ट्र ग्रामीण विकास बँकेचे ७७ हजार रुपये कर्ज तसेच पत्नीच्या नावे बचत गटाचे ९० हजार रुपये कर्ज असल्याचे समजते. घेतलेल्या कर्जाची परतफेड कशी करावी ? तसेच नापिकीमुळे त्यांनी आत्महत्या केल्याचीही परिसरात चर्चा सुरू आहे. मयताचे शवविच्छेदन पाचोरा ग्रामीण रुग्णालयाचे वैद्यकीय अधिकारी डॉ. अमित साळुंखे यांनी केले.

अशोक लांडगे यांचे पाश्चात्य वृद्ध आई, पत्नी, एक मुलगा, एक मुलगी, तीन भाऊ असा परिवार आहे. घटनेप्रकरणी पाचोरा पोलिसात अकस्मात मृत्यूची नोंद करण्यात आली असून सदरची नोंद शून्य क्रमांकाने पिंपळगाव हरेश्वर पोलिस स्टेशनकडे वर्ग करण्यात आली आहे.

घटनेचा पुढील तपास सहाय्यक पोलिस निरीक्षक कृष्णा भोये यांचे मार्गदर्शनाखाली हवालदार धीरज मंडलिक हे करीत आहे. अशोक लांडगे यांच्या अकस्मात मृत्यूने परिसरात शोककळा पसरली आहे.

- Advertisement -
spot_imgspot_img

LEAVE A REPLY

Please enter your comment!
Please enter your name here

हे वाचायलाच हवे

संबंधित बातम्या