मुंबई : कोरोनाच्या दुसऱ्या लाटेने जगभरात पुन्हा एकदा कठोर लाॅकडाउनची नामुष्की ओढवली आहे. काही देशांत कठोर लाॅकडाउन लागू करण्यात आला आहे. त्यामुळे नजीकच्या काळात इंधन मागणीवर परिणाम होण्याची शक्यता आहे. दरम्यान, आज गुरुवारी पेट्रोलियम कंपन्यांनी इंधन दरात कोणताही बदल केला नाही. सलग सातव्या दिवशी देशातील प्रमुख शहरांत पेट्रोल आणि डिझेलचा भाव स्थिर आहे.
आज मुंबईत पेट्रोलचा भाव ९६.८२ रुपयांवर स्थिर आहे. डिझेलचा भाव ८७.८१ रुपये आहे. दिल्लीत आज एक लीटर पेट्रोल ९०.४० रुपये आहे. डिझेलचा भाव ८०.८३ रुपये झाला आहे. चेन्नईत आजचा पेट्रोलचा भाव ९२.४३ रुपये झाला आहे. डिझेलसाठी ८५.७३ रुपये भाव आहे.
कोलकात्यात आज पेट्रोलचा भाव ९०.६२ रुपये झाला आहे. डिझेलचा भाव ८३.६१ रुपये आहे. बंगळुरात पेट्रोल ९३.४३ रुपये असून डिझेल ८५.६० रुपये झाला आहे. मध्य प्रदेशातील भोपाळमध्ये आतापर्यंतचा डिझेलचा सर्वाधिक ८८.९८ रुपयांचा विक्रमी दर आहे. तर पेट्रोल दर ९८.४१ रुपये आहे. सहा दिवसांपूर्वी पेट्रोल १६ पैसे आणि डिझेल १४ पैशांनी स्वस्त झाले होते.
