पुणे-एकनाथराव खडसे मंत्री झाल्यास आनंद होईल. ते ज्येष्ठ अनुभवी नेते असून त्यांचा आमच्या पक्षाला, सरकारला फायदा होईल ,आ. खडसे यांनी जवळपास दोन वर्षे राजकीय वनवास भोगल्यानंतर त्यांना न्यायालयाकडून क्लीन चीट देण्यात आली. एकनाथराव खडसे यांना मंत्रिमंडळात घेण्याचा अधिकार मुख्यमंत्र्याचा आहे. कोर्टाने निर्णय दिला तर त्यांच्या मंत्रीपदाचा मार्ग मोकळा होईल . खडसेंच्या मंत्रीपदाबाबत मुख्यमंत्रीच निर्णय घेतील असे जलसंपदामंत्री महाजन यांनी पुण्यात एका कार्यक्रमात सांगितले.
एकनाथराव खडसेंना न्यायालयाकडून भोसरी प्रकरणात क्लीन चीट मिळाली आहे. त्यामुळे आता त्यांच्या मंत्रीपदाचा मार्ग मोकळा होईल. त्यांच्या अनुभावाचा नक्कीच सरकारला फायदा होईल, असे म्हणत राजकारणात दांडगा अनुभव असणाऱ्या खडसेंच्या मंत्रीपदाबाबत खुद्द मुख्यमंत्रीच निर्णय घेतील असे महाजन म्हणाले. खडसेंना क्लीन चीट मिळण्यामागोमागच आता छगन भुजबळदेखील तुरुंगातून बाहेर आल्यामुळे राजकारणात बरीच गणितं बदलण्याची चिन्हं आहेत.मुख्य म्हणजे खडसेंवरील ठपका दूर झाला असला तरीही त्यांची भाजपा नेतृत्तावर असणारी नाराजी काही केल्या लपून राहिलेली नाही. त्यामुळे आता खडसेंविषयी मुख्यमंत्री काय निर्णय घेणार याकडे जिल्हावासीयांसह संपूर्ण राज्याचे लक्ष लागले आहे .
