अमृतमहोत्सवी डी.आर.कन्याशाळेत विद्यार्थीनी घेत आहेत ऑनलाईन शिक्षण ; एस.पी.बाविस्कर

अमळनेर (प्रतिनिधी):- शहरात तसेच तालुक्यात ज्ञानवंत आणि यशवंत विद्यार्थीनी घडवण्याची परंपरा  कायम ठेवणारी डी.आर. कन्या शाळेच्या विद्यार्थीनी कोरोना  संसर्ग काळात घरी बसुन ऑनलाईन शिक्षण घेत असून  ग्रामीण भागातील मुलींपण उत्साहाने सहभागी  झालेल्या आहेत.

कोरोनाने जगाच्या शिक्षणपद्धतीत अमुलाग्र  बदल घडवला आहे.अध्यापनाचीही पद्धत बदलून ऑनलाईन शिक्षणपद्धती स्विकारली आहे. महाराष्ट्र शासनाच्या शिक्षण विभागाने दिलेल्या मार्गदर्शक तत्वानुसार आपल्या विद्यार्थीनीमागे राहू नये म्हणून डी.आर.कन्याशाळेत एप्रिल महिन्यांपासून दहावी  आणि  इतर वर्गासाठी जुनपासून  ऑनलाईन अभ्यास सुरू केला आहे.या शाळेतील शिक्षक  हे उच्चविद्याविभूषित व उपक्रमशील आहेत.शासनाच्या दिशा, गुगलीवर मिट, झुमअॅप इत्यादी सोबत शैक्षणिक व्हिडिओ याद्वारे  आपले अध्यापन रंजक होण्यासाठी शिक्षक प्रयत्न  करीत असून विद्यार्थीनीही प्रतिसाद देत आहे.