बाळापूर: आज लोकसभा निवडणुकीच्या दुसऱ्या टप्प्यामध्ये देशातील 95 जागांसाठी मतदान होत सुरु आहे. यामध्ये महाराष्ट्रातील एकूण दहा जागांसाठी मतदान होत आहे. यादरम्यान अकोला जिल्ह्यातील कवठा गावातील मतदान केंद्रावर आलेल्या श्रीकृष्ण नावाच्या मतदारानं ईव्हीएम फोडल्याची घटना घडली. ईव्हीएमला विरोध असल्यानंच मशीनची तोडफोड केल्याचा दावा त्यानं केला आहे. या घटनेमुळं मतदान केंद्रावर काही वेळ गोंधळ उडाला. घटनेची माहिती मिळताच पोलिसांनी तात्काळ कारवाई करत श्रीकृष्ण घ्यारे याला ताब्यात घेतलं आहे.
